ثلاث سنين انا اخطط لهذا اليوم يا بوعبود
تيسر حالي وجاهز اوفي وعدي بوقته
وفجاه جاتني تتعذر تقول تاخرت الوعود
وانا مستغرب واسمع كاني وعدها خنته
حسبت انها تمازحني وتتصنع جفا وصدود
ضحكت بوجهها من قلب مع انها بايخه النكته
وقالت ارضى بالواقع قلبي ماهو المعهود
تغير كل شي صوبك نصيبي ما أظن انته
كنت بيوم محبوبي ولكن ما اظن نعود
وصل قبل ماتوصل وانا ذاك الصبر عفته
ولكن تكفا صدقني ويشهد ربي المعبود
ترى ماخنتك بغفله ولا كلمته وشفته
الصراحه اهلي قالوا لي بأنه ولد اصل وجود
وجتني امه بالصوره وبكلمات المدح اخته
سكت وقلت هي فرصه مدام الجود في الموجود
وقالوا كل من حولي علامات الرضا سكته
وانا فكرت دام امه واخته ماعليهم زود
واكيد اني براضيهم اذا وافقت واخترته
واراضي اهلي واخواني مدام انه الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق واعتذر باجر واقول الراي غيرته
تبي تشرح لي المنقود تصدق عاد يا بوسعود
تبيني اقتنع وارضى بحال عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشه وتحرق بيتهم حته
وموت بليلة الدخله يبرد حرتي يا كود
ولا احس انها بحضنه يلامس خد لامسته
علي اهون اذا ماتوا ولا بنفس السرير رقود
ترى صعب علي اتخيل اللي ماتخيلته
عسى قاع الثرا يقسى ويتحول ضخر جلمود
وحفار القبر يرفض يسوي فوق مقدرته
ترى دفنت عديم الذات تلوع حتى جبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقهم نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردة فعل والله ابشري بردود
بدعي دام اني حي وبغرس للدعا نبته
وبسقيها من نزيف القلب ودمع مارحم الخدود
وتكبر والثمر ثاري من اللي خانني وصنته
انا نذر علي اكتب وافجر من هالقصيد رعود
واسمع كل بشر صوتي عجبته ولا زعلته
واردد للي يسمعني اذا حبيت حط حدوود
انا حبيت دون حدود وشوف اللي تكبدته
ثلاث سنين وانا ابني وجات صوره بكل برود
خذت مني شقا عمري وحلم قلت حققته
ثلاث سنين وانا اخطط لهذا اليوم يا بوعبود
وتوافق من كلام اخته وصوره اربعه فسته
..راعيه الفراري..
