( أتعبتني )...
اتعبتني في البعد احبك وانت جافيني
وتعبت ابي اجفاك انا في عز حبي لك
تخطي علي لين احسك طحت من عيني
ويرفعك دمع(ن) للسماح اختار منديلك
ازعل وشف قلب الرضى جاء بينك وبيني
ماشفت أغرب من خطاك يرد قلبي لك
تغيب وأسأل وين انا مدري انا ويني
اثري من الحزن اكثري بالوهم ماشي لك
غصب(ن) علي ماهو رضى تاهت عناويني
مني وكلي هارب(ن) برضاي مني لك
اسالك باللي كاتبك فيني وملغيني
ماودي اشكي منك لكن ودي اشكي لك
معقوله انك انتي الطف من رأت عيني
قادر تفرقني شتات ولااقدر امشي لك
مادمت قادر بالجفا تاخذيني بايديني
علمني كيف اترك يدك في عز حبي لك
